Françeska Murati, ish-miss dhe ish-banore e “Big Brother”, ka ndezur aludime të forta për një krizë në martesë me bashkëshortin Ergys Murati. Në një sesion “Ask me a question” në Instagram, modelja tregoi se po përjeton një periudhë të vështirë në jetën personale dhe se është emocionalisht e rënduar.

“Po kaloj një periudhë shumë të vështirë. Nuk është diçka që e kam diskutuar publikisht. E dinë vetëm njerëzit e mi të afërt dhe ata që dua. Jam shumë e ngarkuar, por po përpiqem ta përballoj,” – u shpreh Murati.

Ajo zbuloi gjithashtu se është në kërkim të një shtëpie më vete në Tiranë, një vendim që shton dyshimet se marrëdhënia e saj me Ergysin mund të ketë marrë fund. “Derisa tani kam qëndruar në shtëpinë e prindërve të mi, por ndjej që më duhet hapësira ime,” tha ajo, duke shtuar se do ta arredojë shtëpinë sipas dëshirës së saj.

Në profilin e saj mungojnë gjithashtu fotot me bashkëshortin, me të cilin ajo ka një djalë, Charlien, duke shtuar më tej zërat për një ndarje të mundshme. Françeska nuk ka dhënë ende një konfirmim të drejtpërdrejtë, por premtoi se “në një moment të dytë” do të flasë hapur për gjithçka që po ndodh në jetën e saj.