Gjatë 24 orëve të fundit, në pikën kufitare të Kakavijës janë përpunuar rreth 12,400 shtetas dhe mbi 4,100 mjete. Nga këta, afërsisht 8,000 kanë hyrë në Shqipëri dhe rreth 4,400 kanë dalë, ndërsa në hyrje janë regjistruar rreth 2,600 mjete dhe në dalje 1,500. Sipas të dhënave zyrtare, nga 1 deri më 10 gusht 2025 totali i kalimeve ka arritur mbi 112,000 shtetas dhe rreth 37,500 mjete, shifër rreth 20% më e lartë krahasuar me të njëjtën periudhë të vitit të kaluar.

Aktualisht, pala shqiptare po punon me 4 sportele – 2 në hyrje dhe 2 në dalje – ndërsa pala greke ka në funksion 3 sportele për përpunimin e dokumentacionit. Koha mesatare e pritjes në periudhat e ngarkesës është rreth 40 minuta. Autoritetet e të dy vendeve deklarojnë se po punojnë me kapacitet maksimal për të menaxhuar fluksin dhe shmangur vonesat, duke këshilluar udhëtarët të shmangin oraret e pikut dhe të shfrytëzojnë pikëkalimet e tjera kufitare me Greqinë.