Nepali po kalon një situatë politike të tensionuar pas protestave masive të udhëhequra nga Gjenerata Z, e cila ka dalë në rrugë kundër korrupsionit.

Në qendër të vëmendjes është Avishkar Raut, vetëm 16 vjeç, i cili u bë i njohur që në mars me fjalimin e fuqishëm “Jai Nepal” gjatë një aktiviteti shkollor. Ky moment u kthye në katalizator për mijëra të rinj, që sot kanë pushtuar rrugët e kryeqytetit Kathmandu duke kërkuar drejtësi dhe llogaridhënie nga qeveria.

Pamjet nga protestat tregojnë Avishkarin duke udhëhequr turmat, duke brohoritur parulla dhe duke kërkuar transparencë. Situata ka degjeneruar ditët e fundit: Kryeministri KP Sharma Oli ka dhënë dorëheqjen, e pranuar nga presidenti, ndërsa ndërtesa e Parlamentit është shkelmuar dhe djegur, duke shkaktuar zemërim të gjerë në vend.

Protestat kanë marrë gjithashtu mbështetje nga shumë figura të njohura të artit dhe kulturës nepaleze.

Avishkar, megjithëse vetëm 16 vjeç, po dëshmon se edhe të rinjtë mund të kenë një zë të fuqishëm dhe të ndikojnë në të ardhmen e vendit. Revolta e Gjeneratës Z është një shembull se mosha nuk është kurrë pengesë për të kërkuar ndryshim dhe drejtësi.