Një qytetar nga Fieri ka reaguar ashpër ndaj mungesës së ndërhyrjes së policisë pas një bllokimi trafiku në qytet. Në një mesazh të dërguar për mediat, ai i bën thirrje Drejtorisë Vendore të Policisë Fier duke pyetur nëse “të gjithë janë me pushime”, pasi prej gjysmë ore rruga nuk është zhbllokuar.

“Ne ju paguajmë me taksat tona, dilni e kryeni punën për të cilën paguheni. Edhe bukën që hani ju dhe familjet tuaja ua sigurojmë ne si popull,” shprehet qytetari i indinjuar, duke kërkuar reagim të menjëhershëm nga autoritetet për të normalizuar qarkullimin.