Në një zhvillim që ka ngjallur reagime të forta publike dhe institucionale, Fatmir Bektashi ka marrë së fundmi leje për zhvillim ndërtimor në zonën e mbrojtur të Drilonit në Pogradec, një nga perlat natyrore të Shqipërisë, në një zonë të mbrojtur nga UNESCO. Vendimi vjen në një kohë kur Fatmir Bektashi është i përfshirë në një procedurë penale të nisur nga SPAK, së bashku me ish-kryeministrin Sali Berisha dhe dhëndrin e këtij të fundit, Jamarbër Malltezin, për çështjen e privatizimit dhe zhvillimit të ish-kompleksit sportiv “Partizani”. Nëse ky projekt nis pa miratimin ligjor të institucioneve shqiptare, Driloni një nga perlat natyrore të Shqipërisë dhe pjesë e trashëgimisë botërore rrezikon të kthehet në viktimë të radhës së betonizimit.Ky zhvillim ka ngritur pikëpyetje serioze mbi transparencën dhe përgjegjësinë e institucioneve vendimmarrëse, si dhe mbi përputhshmërinë e këtij vendimi me ligjet për zonat e mbrojtura.
Fatmir Bektashi duket si “qingji i qurtë” që “pi dy nëna”. Në fakt, ai ka ndërtuar në kohë të Berishës gjë për të cilën e akuzon qeveria Rama, konkretoisht për aferën “Partizani”. Por duket se ka patur një “boom” edhe me të madh ndërtimor në kohën e qerverisë Rama që me kaq zell e “akuzon”.
Në fakt ndërtimet e Bektashit në Tiranë janë katër apo pesëfishuar me ardhjen e Edi Ramës në qeveri.
Erion Veliaj i kishte rezervuar një paradhomë preferenciale Bektashit në bashkinë e Tiranës, ku i miratonte çdo leje ndërtimi.
Tani Veliaj u dogj pas burgosjes, ndërsa Fatmiri vazhdon të gjykohet, por për një çështje politike ku në shënjestër është Sali Berisha më shumë se sa ai vetë.
Ndaj ndërtuesi Bektashi është shëmbëlltyra më kuptimplotë e hipokrizisë së biçim luftës politike, ku të majtë e të djathtë para kamerave hakërrehen, ndërsa pas kuintave, puthen, ndërtojnë dhe ndajnë ato që fitojnë.
Bektashi më shumë se sa një armik i njërit apo tjetrit fraksion politik, ngjason më tepër si një lavatriçe komode për të dyja kampet. Berisha mund të dënohet në emër të luftës politike së refoirmes në drejtësi, por që të dënohej Fatmiri, ky do të ishte një deterrent për çdo ndërtues tjetër lavatriçe të politikanëve, ndaj Berisha ngeli dyerve të gjykatave, ndërsa Fatmiri vazhdon të shesë i pashqetësuar apartamentet e tij pa leje ndërtimi. Fatmiri hallin e tyre ka, se ata s’kanë ku i çojnë paratë e mykura të korrupsionit politik ndaj dhe ata e sajdisin me të mirë.