Palestinezët kanë kryer faljen e Kurban Bajramit nën rrënojat dhe grumbujt e mbeturinave të xhamisë shqiptare në Khan Younis, në jug të Gazës, të premten.

Sulmet ajrore izraelite vranë të paktën nëntë palestinezë në Rafah dhe Khan Younis në mëngjesin e ditës së parë të Bajramit, ndërsa sulmi ndaj Gazës vazhdon.

Të paktën katër persona u vranë kur një dron goditi një stacion karikimi telefoni pranë çadrave që strehojnë familje të zhvendosura në perëndim të Khan Younis.

Në Rafah, forcat izraelite hapën zjarr ndaj një pike shpërndarjeje ndihmash, duke vrarë katër të tjerë. Dhjetëra persona kanë humbur jetën në këto pika, të cilat tani quhen “kurthe vdekjeje” të mbështetura nga Izraeli dhe SHBA.