Një video e shpërndarë së fundmi në rrjet ka tërhequr vëmendjen e opinionit publik, ku shihet ish-kryebashkiaku i Tiranës, Erion Veliaj, i veshur me kostum dhe duke bërë një gjest me dorë, ndërsa mbi pamje është vendosur mbishkrimi:

“Je kaq i qetë. Mënyra e heshtjes është aktivizuar sepse nuk të pëlqej më. Kur të flas, do të jetë lajm i shpejtë.”

Në mbishkrimin e tij, Veliaj e ka shoqëruar me një mesazh edhe më sfidues:
“Mezi po pres, se ju e dini që kur flas, flas shumë.”

Ky reagim vjen pas një periudhe heshtjeje të gjatë, ndërsa burime pranë tij thonë se bëhet fjalë për një tjetër mesazh nga burgu, ku Veliaj po shfrytëzon çdo mundësi për të sfiduar kundërshtarët politikë dhe për të lënë të kuptohet se mund të ketë deklarata tronditëse.

Kjo nuk është hera e parë që ish-kryebashkiaku shfaqet me mesazhe të ngarkuara me tone sfiduese, duke e lënë publikun në pritje të një “shpërthimi mediatik” të mundshëm. Mesazhi i fundit është interpretuar si një paralajmërim se, kur të flasë, Veliaj synon të trazojë ujërat e politikës dhe të japë dëshmi ose detaje që mund të kthehen në lajm të madh kombëtar.