Një ngjarje e rëndë është shënuar mëngjesin e sotëm në fshatin Dragostunjë të Librazhdit, ku kalimtarët kanë gjetur një trup të pajetë pranë një automjeti të ndalur në rrugë.

Viktima është identifikuar si Nazmi Cani, 63 vjeç.

Sipas të dhënave paraprake nga grupi hetimor, dyshohet se ai ka pësuar arrest kardiak pasi është ndjerë keq gjatë kohës që po drejtonte makinën.

Ai ka ndaluar mjetin dhe ka dalë prej tij, por dyshohet se në atë moment ka humbur jetën.

Grupi hetimor dhe shërbimet policore ndodhen në vendngjarje, ku vijojnë hetimet për zbardhjen e plotë të rrethanave.