Pasagjerët që nisen nga aeroportet e Birmingham dhe Edinburgh këtë verë nuk do të kenë më nevojë të ndjekin rregullin e vjetër të 100 ml për lëngjet në bagazhet e dorës. Të dy aeroportet kanë instaluar skanera të rinj me teknologji 3D që lejojnë kalimin e lëngjeve deri në 2 litra, pa i nxjerrë nga valixhja apo i vendosur në qese plastike.

Ky përditësim shënon një ndryshim historik që vjen pas gati dy dekadash që nga vendosja e kufizimit në vitin 2006, pas zbulimit të një komploti terrorist në Britani. Por autoritetet paralajmërojnë se udhëtarët duhet të kontrollojnë rregullat e aeroportit të kthimit, pasi shumica e aeroporteve në Mbretërinë e Bashkuar ende nuk e kanë hequr kufizimin, përfshirë Heathrow dhe Manchesterin. Aeroporte si Aberdeen, Bristol dhe London City pritet të ndjekin të njëjtin shembull së shpejti.