Barcelona ishte në prag të një fitoreje në Milano, teksa u rikthye nga një disavantazh 2-0 në pjesën e parë, vetëm për të pësuar dy gola në fund të ndeshjes dhe për të humbur 4-3 pas kohës shtesë, duke u eliminuar nga gjysmëfinalet e Ligës së Kampionëve, me Interin që avancoi me rezultatin e përgjithshëm 7-6.
Lamine Yamal mbeti me zemër të thyer pas humbjes së ndeshjes, por u zotua tifozëve se do të ndihmojë në fitimin e trofeut më prestigjioz të Evropës në vitet e ardhshme.
Në një postim në Instagram, disa orë pas ndeshjes, Yamal tha, teksa riktheu vëmendjen tek ndeshja vendimtare të El Clasicos këtë fundjavë kundër Real Madridit: “Ne kemi dhënë gjithçka, këtë vit nuk ndodhi, por do të kthehemi, mos kini asnjë dyshim, nuk do të ndalemi derisa ta çojmë këtë klub aty ku e meriton, në nivelin më të lartë.
Do ta mbaj premtimin tim dhe do ta sjell në Barcelonë, nuk do të ndalemi derisa ta marrim. Por e diela është një tjetër finale dhe të gjithë duhet të jemi bashkë. Rroftë Barça!”
