Një makinë tip Smart është vënë re duke bërë manovra të rrezikshme parakalimi në unazen e madhe. Videoja e publikuar e tregon momentin kur automjeti i vogël, duke lëvizur me shpejtësi, shmang trafikun duke kaluar me guxim nga korsia e jashtme, në një segment ku qarkullimi është i dendur dhe parakalimet e tilla përbëjnë rrezik serioz për aksidente. Sipas Kodit Rrugor, parakalimi nga e djathta në mënyrë të paligjshme përbën shkelje të rëndë dhe ndëshkohet me gjobë dhe masa administrative, përfshirë pezullim të lejes së drejtimit.Ky incident vjen në një kohë kur autoritetet rrugore po përpiqen të forcojnë kontrollin dhe ndërgjegjësimin për sigurinë rrugore, pas një rritjeje të ndjeshme të aksidenteve gjatë muajve të fundit.