Tiranë, 24 prill 2025 – Kryestrategu i fushatës opozitare në Shqipëri, Chris LaCivita, ka postuar sot një foto përkrah ish-presidentit amerikan, Donald Trump, duke ndezur sërish vëmendjen ndaj rolit të tij në skenën politike shqiptare.
“Gjithçka filloi në Ishullin Parris, shumë kohë më parë,” shkroi LaCivita në rrjetet sociale, duke iu referuar ishullit ku ndodhet një nga bazat më të njohura të trajnimit të marinsave amerikanë.
Postimi i tij vjen pak orë pasi ai përgënjeshtroi raportimet e disa mediave pranë qeverisë, të cilat aludonin për largimin e tij nga fushata në Shqipëri. “Do të jem këtu deri në ditën kur Edi Rama largohet nga pushteti,” deklaroi LaCivita, duke bërë të qartë angazhimin e tij të pandryshuar.
Emri i LaCivitës ka sjellë jo pak panik në kampin socialist që nga momenti kur u bë publike përfshirja e tij në strategjinë zgjedhore të opozitës. Ai është një nga arkitektët kryesorë të fitores së Donald Trump në zgjedhjet presidenciale të vitit 2016 dhe konsiderohet si një strateg agresiv, me ndikim të madh në formësimin e narrativave politike.
Përfshirja e tij në politikën shqiptare ka polarizuar opinionin publik dhe ka shtuar tensionet mes kampeve politike, ndërkohë që vendi po afrohet drejt një sezoni zgjedhor vendimtar.
