Roza Lati dhe Xhonatan Islami, dy nga emrat më të komentuar të showbiz-it shqiptar gjatë muajve të fundit, duket se po kalojnë një periudhë të vështirë në marrëdhënien e tyre.

Çifti, që nisi historinë e dashurisë verën e kaluar, sipas vetë rrëfimit të Rozës “lidhja jonë nisi në det”, ishte bërë i pandashëm në publik dhe në rrjete sociale, duke shpërndarë foto e video që shfaqnin intimitetin dhe përkujdesjen mes tyre.

Por, së fundmi, vëzhguesit e rrjeteve sociale kanë vënë re një ndryshim të madh: të gjitha postimet e çiftit janë fshirë nga profilët e tyre. Fotot që i shihnim gjatë verës, pushimet bashkë, apo momentet e shënuara publikisht nuk ekzistojnë më. Ky veprim ka ngritur dyshime për një krisje serioze, madje edhe përfundimin e romancës.

Megjithatë, ndryshe nga shumë ndarje të tjera publike, Roza dhe Xhonatani vijojnë ende të ndjekin njëri-tjetrin në Instagram. Ky detaj ka lënë vend për shpresë te fansat e tyre, të cilët spekulojnë se mund të bëhet fjalë për një krizë të përkohshme e jo për ndarje përfundimtare.

Deri tani, asnjëri prej tyre nuk ka bërë ndonjë reagim zyrtar për situatën, duke shtuar edhe më shumë kureshtjen e publikut. Në mungesë të konfirmimeve, rrjetet sociale vijojnë të jenë burimi kryesor i interpretimeve për marrëdhënien e dyshes, duke treguar edhe një herë sa shumë peshojnë veprimet online në perceptimin e jetës private të figurave publike.