Për netë me radhë kemi parë performanca të çmendura nga artistët e njohur shqiptarë që kanë ndezur skenën. Mbrëmja e djeshme u shndërrua në një festë të çmendur për dhjetëra të rinj, teksa Melinda solli një performancë të paharrueshme në skenë. Tre artistët e njohur ndezën atmosferën me hitet e tyre, duke e kthyer eventin në një maratonë emocionesh, energjie dhe adrenalinë.

Pamjet tregojnë turmën duke kërcyer, kënduar dhe brohoritur pa ndalur, ndërsa dritat, efektet speciale dhe ritmi i muzikës e bënë natën të dukej si një festival gjigant. Butrinti solli romantikën urbane, Melinda energjinë “rap queen” dhe Noizy shpërthimin e fuqishëm të hip-hop-it, duke e çuar publikun në delir.

Në rrjetet sociale, fansat e kanë cilësuar si një nga netët më të zjarrta të verës, ndërsa videot nga koncerti po qarkullojnë me shpejtësi, duke marrë mijëra reagime dhe komente. “Ishte një çmenduri e bukur”, shkroi një nga të pranishmit, duke përmbledhur në pak fjalë atmosferën e ndezur që mbretëroi deri në orët e vona.