Sipas një raportimi të ri, donatori miliarder demokrat George Soros nuk mori pjesë në dasmën luksoze të të birit me ish-ndihmësen e Hillary Clinton, Huma Abedin, këtë fundjavë.
Alex Soros, 39 vjeç, u martua me nusen e tij, 49 vjeç, në pronën e tij të madhe në Water Mill, New York të shtunën, i rrethuar nga një grup personazhesh të politikës amerikane.
Në këtë dasmë u tha se do të merrte pjesë edhe kryeministri i Shqipërisë Edi Rama, por në fotot e publikuara ai nuk shfaqet.
Padyshim që aty nuk do të kishte munguar as miku shumë intim i Alexit, kryetari i bashkisë së Tiranës Erion Veliaj, në rast se ky i fundit nuk do të ndodhej pas hekurave në burgun e Durrësit, ku qëndron në qeli me Jurgis Çyrben e “Çunave të Shijakut”.
Bill dhe Hillary Clinton, Kamala Harris dhe Doug Emhoff, Nancy Pelosi, senatori Chuck Schumer dhe Hakeem Jeffries iu bashkuan yjeve të famshëm Jimmy Fallon dhe Anna Wintour në festën madhështore.
Por babai i Alex, 94-vjeçari Soros, nuk ishte i pranishëm, sipas Page Six.
Në vend të kësaj, ai thuhet se organizoi një takim intim të premten, një ditë para dasmës, i cili u drejtua nga një rabin dhe një imam për të nderuar trashëgiminë hebraike të Alex dhe besimet myslimane të Abedin.
George Soros dhe gruaja e tij Tamiko Bolton, “organizuan një shërbim intim familjar të premten në mëngjes në shtëpinë e tyre”.
Një burimi pohoi se Soros është ‘në gjendje të mirë shëndetësore’ kur u pyet nëse ai nuk mori pjesë në festime për arsye shëndetësore.
Por Soros u fotografua me Alexin të veshur me kostumin e tij të ditës së dasmës në një foto të lumtur që djali i tij e ndau në Instagram për të festuar Ditën e Babait.
‘Gëzuar Ditën e Babait për më të madhin! Kjo ishte një ditë e veçantë,’ shkroi Alex pranë fotos.
Festimet e së premtes në shtëpinë e Soros në Southampton u pasuan nga një drekë intime për familjen dhe miqtë e ngushtë.
Dhe Alex u sigurua t’i bënte homazh babait të tij në ditën e tij të veçantë, duke zbuluar në një intervistë ekskluzive me Vogue se smokingu i tij blu i kujtoi momente të lumtura me babain e tij miliarder.
‘Kisha veshur një smoking Dior. Ngjyra ime e preferuar është bluja, dhe kur punoja për babain tim, shpesh shfaqesha në takime dhe të dy, krejtësisht pa skenar, vishnim blu,’ tha ai.
‘Është gjithashtu ngjyra e preferuar e nënës sime. Nuk bleva shumë rroba të reja për dasmën. Nëna ime më mësoi kur isha i vogël se rrobat e mira zgjasin, të paktën për burrat.’
Nusja veshi një fustan Givenchy për ceremoninë kryesore dhe shpesh i drejtohej gurusë së modës Anna Wintour për këshilla gjatë fazave të planifikimit të dasmës.
