Machine Gun Kelly ka ndezur edhe më shumë kureshtjen e publikut me një përgjigje të shkurtër, por dramatike, ndaj thashethemeve se është në një lidhje me aktoren e “Euphoria”, Sydney Sweeney. I pyetur drejtpërdrejt gjatë një interviste në “Watch What Happens Live”, reperi 35-vjeçar u mjaftua vetëm me tre fjalë, duke lënë të kuptohet se nuk dëshironte të fliste për këtë temë.

Zërat për një romancë nisën në maj, kur MGK dhe Sweeney u panë jashtëzakonisht të afërt gjatë hapjes madhështore të “Palm Tree Beach Club” në Las Vegas. Pamjet ekskluzive të publikuara ngamediat tregojnë çiftin teksa shkëmbenin biseda intime dhe një përqafim të fortë, ndërsa fotot i kapën të buzëqeshur e të shkujdesur. Takimi vjen vetëm pak muaj pas ndarjes së MGK nga Megan Fox, me të cilën ai mirëpriti fëmijën e parë në prill, dhe pak pas ndarjes publike të Sweeney nga ish-i fejuari Jonathan Davino.

Ky takim ka ringjallur diskutimet mbi marrëdhënien e tyre, duke i shtuar edhe më shumë dramë jetës sentimentale të dy yjeve që u njohën gjatë xhirimeve të filmit “Downfalls High” në vitin 2021.