Profesori dhe Filozofi, Artan Fuga, përmes një postimi në rrjetin social Facebook, ka zbuluar disa prej problematikave që shqiptarët hasin në jetën e përditshme.

“Kam vënë re se Lufra, Erzeni, etj., shesin kosin me bidona. Mirë fort. Por mua më ngelet afro një e dhjeta e kosit në fund të bidonit. Si ta marr? Çfarë dreq paketimi është ky? Pres me thikë bythën e shishes që të marr pjesën më të mirë të kosit, me më yndyrë, që ka mbetur aty.”

“Blen frigoriferin, ta zëmë Global. Pyet: “Ore, ma transportoni në shtëpi tani?” Jo, po se po qese, jo sepse, po por… iki fare, nuk e blej.”

“Shkon te Big Market, të propozojnë të marrësh kartën e klientit. Bukur fort. Pastaj, kur pyet, të thonë: “Aa jooo, është vetëm për këtë njësinë këtu, jo për të gjithë Big Market-et!” Ouuuuu, po çfarë lloj karte klienti është kjo, kur nuk e përdor në të gjitha pikat e shitjes së kompanisë?”