E dashura e Keanu Reeves, Alexandra Grant , donte t’u jepte fund thashethemeve që kanë qarkulluar ditët e fundit se ata janë të martuar. Në një postim që bëri në llogarinë e saj personale në Instagram, ajo publikoi një foto ku ajo dhe aktori ndajnë një puthje, duke e shoqëruar atë me një mbishkrim në të cilin sqaron situatën.

Më konkretisht, ajo shpjegoi saktësisht se ku është bërë fotografia në fjalë dhe theksoi se ajo dhe i dashuri i saj nuk janë të martuar. Megjithatë, ajo falënderoi ata që nxituan t’i uronin duke u dërguar mesazhe.

“Kjo është një foto e vërtetë. Jo një foto fejese apo një njoftim martese me AI… vetëm një puthje! (Ndoshta pak para ose pas… duke gjykuar nga shprehjet paksa qesharake në fytyrat tona!) Jemi në Kraterin Roden, dhe Keanu dhe Gard sapo kishin mbaruar një intervistë me James Turrell për Visionaries“, shkroi ajo fillimisht, duke sqaruar se kjo ishte vetëm një fotografi e butë dhe jo një foto fejese apo dasme.

Alexandra Grant vazhdoi, duke iu drejtuar atyre që nxituan t’i uronin për “lumturinë”: “Po e ndaj këtë këtu për t’ju falënderuar të gjithëve për urimet për martesën tonë. Vetëm se nuk u martuam. Lajmet e mira janë shumë të nevojshme këto ditë, por janë ende lajme të rreme, prandaj kini kujdes atje jashtë! Ja pra një dozë e vogël lumturie të vërtetë!”

Një raport nga Radar Online pohoi se ylli i Hollivudit dhe e dashura e tij u martuan gjatë verës në një ceremoni romantike në Evropë, me të afërm të ngushtë dhe anëtarë të familjes pranë tyre. “Ishte diçka që ata e kishin diskutuar, por në fund të fundit ata donin ta jetonin vetëm për veten e tyre “, u raportua.

Keanu Reeves dhe Alexandra Grant u takuan në një darkë në vitin 2009 dhe shumë shpejt bashkëpunuan në dy libra arti: “Ode to Happiness” (2011) dhe “Shadows” (2016). Shfaqja e tyre e parë publike së bashku ishte në vitin 2019, në Galanë e Artit + Filmit LACMA.