Tirana po përjeton një krizë të rëndë mjedisore, me ndotjen e ajrit që ka arritur nivele alarmante. Sipas të dhënave të fundit nga The Weather Channel, indeksi i cilësisë së ajrit (AQI) ka kapur vlerën 231, e klasifikuar si “Shumë i Pashëndetshëm” për popullsinë.
Ndotësi kryesor është PM2.5 – grimca mikroskopike më të vogla se 2.5 mikron – që depërtojnë thellë në mushkëri dhe qarkullimin e gjakut, duke shkaktuar efekte të menjëhershme shëndetësore si vështirësi në frymëmarrje, dhimbje koke, lodhje dhe përkeqësim të sëmundjeve të zemrës dhe mushkërive.
Më të rrezikuarit janë:
- Fëmijët
- Të moshuarit
- Personat me probleme kronike shëndetësore
- Çdo individ që ushtron aktivitet fizik në ambient të hapur
Rekomandimet urgjente për qytetarët:
- Qëndroni brenda dhe mbyllni dritaret
- Kufizoni daljet dhe aktivitetin fizik jashtë
- Përdorni maska të nivelit N95 ose më të lartë
- Përdorni pastrues ajri në ambiente të mbyllura
Çfarë po shkakton këtë situatë?
Kombinimi i trafikut të rënduar, djegies së mbetjeve, mungesës së gjelbërimit dhe kushteve atmosferike që nuk shpërndajnë ndotjen ka sjellë këtë nivel kritik të ndotjes.
🔴 X65: “Tirana është kthyer në një bombë të heshtur për mushkëritë. Nëse nuk merren masa urgjente, pasojat do jenë të pakthyeshme. Është koha për veprim kolektiv dhe presion mbi institucionet.”
Ajri i pastër nuk është luks – është e drejtë themelore. Tirana ka nevojë për zgjim, përpara se të jetë vonë
