Një aksident i rëndë ndodhi mbrëmjen e së premtes së kaluar në Ksamil, ku një automjet tip Nissan me targa italiane përplasi një këmbësor në afërsi të zonës turistike. Ngjarja ndodhi rreth orës 21:00, kur 30-vjeçari turk, Demir Tunahan, duke drejtuar mjetin e tij në një nga rrugicat e bregdetit, përplasi rëndë 29-vjeçarin Mario Selishta, me origjinë nga Dibra dhe banues prej vitesh në Itali. Si pasojë e përplasjes, Selishta mbeti i plagosur rëndë dhe u transportua menjëherë drejt spitalit të Sarandës, për t’u dërguar më pas në një qendër spitalore me specializim më të lartë. Autori i aksidentit, shtetasi turk, u arrestua në flagrancë nga Policia e Sarandës.
Pas arrestimit, çështja shkoi për shqyrtim në Gjykatën e Sarandës. Sot, kjo e fundit vendosi për Demir Tunahan masën e sigurisë “detyrim paraqitje” në polici. Masa u kërkua fillimisht nga prokurorja e çështjes dhe më pas u miratua edhe nga gjyqtari i seancës.
Njoftimi i plotë:
“Detyrim paraqitje” vendosi sot si masë gjykata e Sarandës për 30 vjeçarin, shtetasin turk, Demir Tunahan, i arrestuar mbrëmjen e së premtes. 30 vjeçari Demir Tunahan është autori i aksidentit të ndodhur mbrëmjen e së premtes së kaluar ku 30 vjeçari aksidentoi me mjetin e tij Nissan me targë AB590NA, dhe plagosi rëndë 29 vjeçarin Mario Selishta me origjinë nga Dibra por banues në Itali.
“Detyrim per t’u paraqitur në policinë gjyqësore ka kërkuar prokurorja në seancë, këtë masë ka kërkuar mandej edhe gjyqtari në seancë.
Në këto kushte 30 vjeçarit Demir Tunahan, shtetas turk, që ndodhej me pushime në Ksamil do t’i duhet të paraqitet në policinë gjyqësore sipas periodicitetit të caktuar nga gjykata.
