Në një kohë kur shumica e politikanëve shqiptarë kanë përdorur taksat e qytetarëve dhe fonde të errëta për të paguar qindra mijëra euro me qëllimin e vetëm për të dalë në një fotografi me liderë të huaj, Agron Shehaj po dëshmon një qasje krejtësisht të ndryshme.

Së fundmi, një propagandë e orkestruar kundër tij tentoi të shtrembërojë vizitën e tij në Mar-a-Lago, duke e paraqitur si një përpjekje për të shpërfaqur një mbështetje të rreme nga Donald Trump. Por e vërteta është krejt ndryshe.

Shehaj nuk është si ata politikanët e vjetër që përdorin para publike ose fonde të padeklaruara për të ndërtuar imazhe false. Ai është një sipërmarrës i suksesshëm që financohet me të ardhurat e tij personale dhe të biznesit të tij të ligjshëm, duke mos i futur dorën xhepit të askujt. Prandaj, është e pakuptimtë që disa zëra të përpiqen ta linçojnë për diçka që është një e drejtë legjitime e çdo njeriu të lirë.

Në videon e publikuar nga Mar-a-Lago, Shehaj dha një mesazh të qartë:

“Të dashur miq, ju përshëndes nga Mar-a-Lago, një vend ku njerëz të pushtetshëm, politikanë dhe sipërmarrës mblidhen për t’i dhënë zgjidhje problemeve të botës. Jam këtu, ndryshe nga shumica e politikanëve shqiptarë, të cilët vijnë duke lobuar me paratë që u kanë vjedhur qytetarëve shqiptarë. Unë nuk jam këtu për interesin tim, por sepse besoj që Amerika duhet të vazhdojë të mbështesë drejtësinë, luftën kundër korrupsionit dhe krimit në Shqipëri. Por nuk mund të presim gjithçka nga SHBA. Edhe ne duhet të bëjmë pjesën tonë, të heqim dorë nga partitë e vjetra dhe të shkojmë drejt së ardhmes.”

Këto fjalë përfaqësojnë një qasje të ndershme dhe të drejtë në politikë. Agron Shehaj nuk është thjesht një tjetër figurë politike që synon të fitojë pikë politike me propaganda boshe. Ai është një model i ndershmërisë dhe transparencës, i cili dëshmon se mund të bësh politikë pa mashtrime dhe pa para të pista.

Për vite me radhë, politika shqiptare ka qenë e mbushur me skandale, ku politikanët kanë përdorur pasurinë publike për interesa personale. Shehaj po tregon se ka një rrugë tjetër – një rrugë që bazohet në meritokraci, integritet dhe punë të ndershme.

Përpjekjet për të njollosur figurën e tij janë thjesht përpjekje të dështuara të një establishmenti të frikësuar nga ndryshimi. Në vend që të merremi me shpifje, duhet të mbështesim ata politikanë që janë të gatshëm të veprojnë me ndershmëri dhe transparencë për një Shqipëri më të mirë.

Klikoni më poshtë për të ndjekur videon :