Prokuroria e Posaçme Kundër Korrupsionit dhe Krimit të Organizuar (SPAK) ka zgjeruar hetimet ndaj kryebashkiakut të Tiranës, Erion Veliaj, me një dosje prej rreth 60,000 faqesh që përmban prova kundër tij dhe 30 të pandehurve të tjerë.

Një nga dëshmitë kyçe në këtë hetim vjen nga polici Fation Baci, i cili rrëfen se Veliaj i mori telefonin për të komunikuar me një person dhe i kërkoi që të lirohej dhe të kandidonte për deputet. Sipas dosjes, Veliaj theksoi se edhe Agron Malaj po kandidon për t’i shpëtuar hetimit të SPAK-ut.

Agron Malaj, kryetari i bashkisë së Matit dhe deputet i zgjedhur në zgjedhjet e 11 majit, njihet si ish-gardist i 21 janarit dhe do të marrë mandatin me dy dënime penale në dosjen e tij.

Hetimi vijon intensivisht, ndërsa SPAK vazhdon të zbardhë detaje të reja për këtë çështje të rëndësishme.