Prej vitesh është përhapur ideja se veshjet e zeza duhen shmangur në verë, pasi përthithin më shumë nxehtësi. Por sipas ekspertëve, kjo bindje nuk është plotësisht e saktë. Në fakt, ngjyra e veshjes nuk është faktori i vetëm që ndikon në ndjesinë e freskisë — rol luajnë edhe mënyra si reagon trupi ndaj nxehtësisë, si djersitja dhe qarkullimi i gjakut.

Ndryshe nga sa mendohet, rrobat e bardha reflektojnë rrezet e diellit, por edhe nxehtësinë që lëshon vetë trupi, duke e rikthyer drejt lëkurës. Nga ana tjetër, e zeza përthith nxehtësinë, por e shpërndan më mirë, duke mundësuar që energjia termike të largohet më shpejt. Për më tepër, e zeza mbetet një zgjedhje klasike dhe elegante që përshtatet në çdo ambient, edhe në verë. Pra, nëse visheni me të zeza gjatë stinës së nxehtë, nuk po gaboni — përkundrazi, mund të jetë një zgjedhje e zgjuar.