Një nga momentet më të përfolura në rrjetet sociale mbetet videoja e vitit 2014, ku Kim Kardashian shihej duke u larguar nga një hotel në Paris pa vajzën e saj, North, përpara se të kthehej disa minuta më vonë për ta marrë. Pamjet ngjallën spekulime se ylli i famshëm kishte harruar foshnjën e saj në hotel, duke shkaktuar reagime të shumta dhe ironi online.

Në atë kohë, Kim i mohoi akuzat, duke theksuar në rrjetet sociale se vajza nuk ishte vetëm në hollin e hotelit, por po e prisnin me staf. Së fundmi, në një rrëfim të ri, ajo ka zbuluar se në fakt ishte kthyer jo sepse e kishte harruar Northin, por sepse donte të tregonte veshjen para se ta merrte me vete. “Doja të tregoja veshjen time para se të merrja Northin. Nuk e harrova,” tha Kim, duke i dhënë fund një prej thashethemeve më virale të karrierës së saj.