Leonardo DiCaprio u shfaq me një siluetë dukshëm më të dobët gjatë pushimeve këtë javë në Ibiza, së bashku me të dashurën e tij supermodele, Vittoria Ceretti.

Siç shihet në fotografitë ekskluzive, aktori 50-vjeçar u fotografua pranë Ceretti-t, 26 vjeç, dhe miqve të tyre teksa largoheshin nga restoranti luksoz buzë detit Casa Jondal në Spanjë, ku një tartar me mish wagyu dhe kaviar kushton plot 295 dollarë.

DiCaprio kishte lënë mënjanë maskën e zakonshme të fytyrës që e përdorte shpesh për të fshehur identitetin dhe ishte veshur me një kapuç të errët, syze dielli dhe bluzë me kapuç për të qëndruar incognito.

Ceretti, me flokët në gërsheta, kishte veshur një xhup të zi me zinxhir, syze, xhinse të gjera blu dhe mbante një çantë të madhe kafe gjatë daljes.

Trupi më i dobët i yllit të filmave ishte i dukshëm edhe pse i mbuluar me veshje të lirshme një ndryshim i madh nga pamja më e rënduar që kemi parë vitet e fundit, të cilën miqtë e tij ia kishin atribuar një stili jetese të tepruar me alkool dhe cigare.

Mesa duket, për këtë transformim ai duhet t’i falënderojë supermodele ultra të dobët Ceretti-n…

“Leo ka rënë në peshë edhe më parë, por këtë herë është ndryshe sepse nuk e ka bërë për një rol filmi,” tha një burim i afërt me DiCaprion për Daily Mail. “Ai po përpiqet të jetë i shëndetshëm dhe në formë për të mbajtur ritmin me Vittorian. Ajo është një ndikim i shkëlqyer për të dhe ai është vërtet i dashuruar me të. Ajo është tashmë pjesë e botës së tij dhe ai synon ta mbajë ashtu.”

Dhe si ndjehet ajo për këtë ndryshim?

“Vittoria po e shijon të thuash ‘njeriun e saj të ri’, është shumë e lumtur me të dhe fakti që ai ka humbur disa kile krahasuar me disa muaj më parë është thjesht një gjë pozitive ajo sigurisht nuk ka asnjë kundërshtim,” tha një tjetër burim pranë aktorit. “Por në asnjë mënyrë nuk ishte e pakënaqur me pamjen e tij të mëparshme.”

Beqari dikur i pandreqshëm thuhet se është serioz me Ceretti-n, pas vitesh talljesh në rrjete për prirjen e tij për të ndarë lidhjet me të dashurat sapo ato mbushnin 25 vjeç.

“Në lidhjet e mëparshme ai ndjente një lloj presioni për t’u zyrtarizuar, me biseda për martesë, por tani nuk ka nxitim për të ndryshuar atë që [ai dhe Ceretti] kanë,” tha një burim tjetër më herët për Daily Mail.

“Ajo është e dashura më reale që ka pasur ndonjëherë dhe e bën të ndihet vërtet i dashuruar. E sheh që të dy e vlerësojnë marrëdhënien që kanë. [Ajo] e kupton që orari i tij mund të ndryshojë dhe nuk tregon asnjëherë xhelozi.”

DiCaprio ka pranuar më parë, në një intervistë për Esquire në vitin 2014, se gratë e kishin të vështirë të përshtateshin me stilin e tij të jetës nomade.

“Gjashtë muaj larg, në xhirime apo diku në Marok, nuk është gjëja më e mirë për një lidhje,” tha ai për revistën.

Por bukuroshja italiane Ceretti e cila, pavarësisht moshës së re, ka qenë më parë e martuar për tre vjet me DJ-n Matteo Milleri duket se nuk shqetësohet aspak nga mënyra e jetesës së DiCaprios nëpër botë.

Modelja e ka shoqëruar aktorin në një sërë pushimesh tropikale, me foto që i tregojnë çiftin duke u argëtuar mbi një jaht pranë brigjeve të Sardenjës, duke luajtur pickleball në rërat e Karaibeve apo duke u larë në ujërat e Shën Bartit.

Çifti raportohet se është njohur në Festivalin e Filmit në Kanë në maj 2023, por nuk u përfolën si çift deri pas gushtit, kur u panë duke shijuar një akullore në Los Anxhelos – menjëherë pas thashethemeve për një flirt të DiCaprios me modelen Gigi Hadid, 30 vjeç.

Në një intervistë të fundit për Vogue France, Ceretti këmbënguli se janë njohur “në Milano”, por refuzoi të zbulojë më shumë detaje.

Në mënyrë të çuditshme, ajo gjithashtu u shpreh se e gjen “të bezdisshme” kur i referohen si “e dashura e Leonardo DiCaprios”.