Jorida Tabaku, deputete e Partisë Demokratike, e cila garon sërish për Parlamentin e radhës, në listat e hapura të Partisë Demokratike, ka përfaqësuar gjithnjë modelin e gruas së suksesshme, të mamasë dhe bashkëshortes shembullore dhe të një politikaneje me etikë dhe me një qëndrim të vendosur kundër korrupsionit dhe padrejtësive, si dhe e pozicionuar energjikisht ne mbështetje të sipërmarrjes dhe tregut të lirë.

Këto janë 10 arsyet që e bëjnë atë një liderë model:

1.           Eksperte e Ekonomisë dhe Financave Publike

               – Me një përvojë të gjatë si anëtare e Komisionit të Ekonomisë dhe buxhetit dhe më vonë si Kryetare e Komisionit të Integrimit Evropian, ajo është një nga zërat më teknikë dhe kritikë ndaj abuzimeve fiskale të qeverisë.

2.           Zë i fortë për klasën e mesme dhe sipërmarrësit

               – Ka luftuar publikisht kundër taksave të padrejta dhe informalitetit, veçanërisht ndaj profesionistëve të lirë dhe sektorit të teknologjisë.

3.           Promovuese e integrimit evropian dhe reformave të mirëqeverisjes

               – Si Kryetare e Komisionit për Çështjet Evropiane, është një nga figurat më aktive për çuarjen përpara të axhendës së integrimit, duke kërkuar thellim të reformave në drejtësi, anti-korrupsion dhe funksionimin e shtetit të së drejtës.

4.           Zë kritik ndaj korrupsionit dhe oligarkisë

               – Ka ekspozuar me fakte dhe argumente skema të favorizuara nga qeveria për interesat e pak grupeve, përfshirë koncesionet, PPP-të dhe projektet e paqarta të Korporatës së Investimeve Shqiptare.

5.           Figura e moderuar dhe e besueshme e opozitës

               – Ndryshe nga retorika shpesh konfliktuale në politikën shqiptare, Tabaku paraqitet me një ton të matur, por të vendosur, që i jep asaj besueshmëri në radhët e qytetarëve dhe partnerëve ndërkombëtarë.

6.           E angazhuar për barazi dhe të drejtat e grave

               – Ka qenë pjesë e nismave për promovimin e grave në politikë dhe për përfshirjen e perspektivës gjinore në politikat publike.

7.           Përfaqësuese e denjë në arenën ndërkombëtare

               – Ka ndërtuar marrëdhënie të qëndrueshme me partnerët ndërkombëtarë, veçanërisht me Bashkimin Evropian dhe partitë simotra në PPE, duke kontribuar në ruajtjen e imazhit të opozitës në sytë e perëndimit.

8.           E vetmja deputete që ka ndjekur çështje të mëdha në Gjykatën Kushtetuese

               – Ka ndjekur personalisht dhe me sukses çështje të rëndësishme si rasti i taksimit të padrejtë të profesionistëve të lirë.

9.           Ka bindjen se familja është mes një burri dhe një gruaje dhe kundër martesave të të njëjtit seks

               – Është nënë e tre fëmijëve dhe një bashkëshorte shembullore. Një vajzë nga një familje tradicionale tiranase , e respektuar nga e gjithë qyteti.

10. Ka ruajtur ekuilibrat e Partisë Demokratike, kur kjo parti qe thuajse në prag të shpërbërjes

               – Kur Partia Demokratike ishte në momentin e saj më të errët, Tabaku, e përçarë nga lufta ndërmjet Sali Berishës dhe Lulzim Bashës, Jorida Tabaku ruajti ekuilibrat në parti dhe pavarësisht tensionit të lartë, arriti të çojë përpara skandalin e qeverisë me inceneratorët, duke zbuluar një korrupsion të llahtarshëm.